آنکھوں سے آنسوؤں کی نشانی مٹا کے دیکھ

آنکھوں سے آنسوؤں کی نشانی مٹا کے دیکھ

مسکان کی ربر کو ذرا آزما کے دیکھ

دیواروں کے بھی کان ہیں یہ بولتی بھی ہیں

ایک بار ان کو راز تو کوئی بتا کے دیکھ

رشتے بنیں گے پھر نئے لمحوں سے بھی ترے

ماضی کی تلخیوں سے مراسم گھٹا کے دیکھ

کچھ یوں اداسیوں کو غم دل سے دور کر

نظریں ملا غموں سے ذرا مسکرا کے دیکھ

کوئی نہیں ہے دور تلک دوں کسے صدا

ایسا لگے اگر تو خدا کو بلا کے دیکھ

دل کے لیے ہے اچھا خیالی پلاؤ بھی

کیا حرج ہے کبھی تو اسے بھی پکا کے دیکھ

اچھا لگے گا تجھ کو ترا ساتھ بھی صفرؔ

کچھ پل تو خود کے ساتھ بھی اک دن بتا کے دیکھ