aankhon se agar silsila-e-KHwab na TuTe

āñkhoñ se agar silsila-e-ḳhvāb na TuuTe

phir to kisī 'unvāñ dil-e-betāb na TuuTe

andher hai maiḳhāne ke ādāb na TuuTe

dil Tuut ga.e jām-e-mai-e-nāb na TuuTe

ho jaa.e na iz.hār-e-kudūrat kisī sūrat

ai dost ye alfāz kī mehrāb na TuuTe

har nashtar-e-tafrīq ne marham kā kiyā kaam

toḌe ga.e lekin mire ahbāb na TuuTe

kuchh ābrū-e-sahn-e-chaman kā bhī rahe paas

ab shāḳh se koī gul-e-shādāb na TuuTe

phir gardish-e-daurāñ se ulajhnā nahīñ mushkil

ġhurbat meñ jo pindār-e-tab-o-tāb na TuuTe

gahrā.ī-e-dariyā kā bharam rah gayā 'bismil'

achchhā hī huā gauhar-e-kamyāb na TuuTe

aankhon se agar silsila-e-KHwab na TuTe

phir to kisi 'unwan dil-e-betab na TuTe

andher hai maiKHane ke aadab na TuTe

dil Tut gae jam-e-mai-e-nab na TuTe

ho jae na izhaar-e-kudurat kisi surat

ai dost ye alfaz ki mehrab na TuTe

har nashtar-e-tafriq ne marham ka kiya kaam

toDe gae lekin mere ahbab na TuTe

kuchh aabru-e-sahn-e-chaman ka bhi rahe pas

ab shaKH se koi gul-e-shadab na TuTe

phir gardish-e-dauran se ulajhna nahin mushkil

ghurbat mein jo pindar-e-tab-o-tab na TuTe

gahrai-e-dariya ka bharam rah gaya 'bismil'

achchha hi hua gauhar-e-kamyab na TuTe