aankhon se kisi KHwab ka rishta hi nahin tha

āñkhoñ se kisī ḳhvāb kā rishta hī nahīñ thā

is aa.ine meñ aks Thahartā hī nahīñ thā

kyoñ dekh rahā thā use chup-chāp zamāna

ruḳhsat jo huā sirf hamārā hī nahīñ thā

mehmān banāyā hī nahīñ dasht ne varna

retoñ se judā.ī kā irāda hī nahīñ thā

vo chhoḌ gayā shahr to kyoñ dil meñ chubhan hai

us par to hamārā koī da.avā hī nahīñ thā

mansūb use karte ho kyoñ ham se rafīqo

aisā to koī biich meñ va.ada hī nahīñ thā

ye soch ke is raah meñ ham ho ga.e tanhā

is bhiiḌ meñ apnā koī chehra hī nahīñ thā

ham shahr-e-sitamgar ko kahāñ chhoḌ ke jaate

jab is ke alāva koī sahrā hī nahīñ thā

patthar na huā mom 'fahīm' ab to ye maano

ḳhurshīd-e-hunar meñ koī sho.ala hī nahīñ thā

aankhon se kisi KHwab ka rishta hi nahin tha

is aaine mein aks Thaharta hi nahin tha

kyon dekh raha tha use chup-chap zamana

ruKHsat jo hua sirf hamara hi nahin tha

mehman banaya hi nahin dasht ne warna

reton se judai ka irada hi nahin tha

wo chhoD gaya shahr to kyon dil mein chubhan hai

us par to hamara koi dawa hi nahin tha

mansub use karte ho kyon hum se rafiqo

aisa to koi bich mein wada hi nahin tha

ye soch ke is rah mein hum ho gae tanha

is bhiD mein apna koi chehra hi nahin tha

hum shahr-e-sitamgar ko kahan chhoD ke jate

jab is ke alawa koi sahra hi nahin tha

patthar na hua mom 'fahim' ab to ye mano

KHurshid-e-hunar mein koi shoala hi nahin tha