aankhon se nur dil se KHushi chhin li gai

āñkhoñ se nuur dil se ḳhushī chhīn lī ga.ī

ham se hamārī zinda-dilī chhīn lī ga.ī

ik roz ittifāq se ham muskurā.e the

is kī sazā meñ ham se hañsī chhīn lī ga.ī

kitne charāġh nuur se mahrūm ho ga.e

jab se hamārī ḳhush-nazarī chhīn lī ga.ī

shikva mirā mizāj na mātam mirī sarisht

har-chand mujh se ḳhanda-labī chhīn lī ga.ī

'iqbāl' is ḳhushī kā bharosa bhī kuchh na thā

achchhā huā ye dard-sarī chhīn lī ga.ī

aankhon se nur dil se KHushi chhin li gai

hum se hamari zinda-dili chhin li gai

ek roz ittifaq se hum muskurae the

is ki saza mein hum se hansi chhin li gai

kitne charagh nur se mahrum ho gae

jab se hamari KHush-nazari chhin li gai

shikwa mera mizaj na matam meri sarisht

har-chand mujh se KHanda-labi chhin li gai

'iqbaal' is KHushi ka bharosa bhi kuchh na tha

achchha hua ye dard-sari chhin li gai