aankhon se rawan kyon hai mera KHun-e-jigar aaj

āñkhoñ se ravāñ kyoñ hai mirā ḳhūn-e-jigar aaj

shāyad ki huā dil hadaf-e-tīr-e-nazar aaj

kyā dil kī lagī hijr meñ ashkoñ se bujhegī

kyā terā bharosā ho mujhe dīda-e-tar aaj

rah rah ke jo yaad aatā hai ik bhūlne vaalā

tham tham ke kuchh uThtā hai mirā dard-e-jigar aaj

afsos yahī hai ki ḳharīdār haiñ mafqūd

har ashk kā qatra hai mirā rashk-e-guhar aaj

baḌhtī hī chalī jaatī hai saa.at hai jo us kī

shāyad ki na hogī shab-e-furqat kī sahar aaj

vo sub.h se ghabrā.e hue phirte haiñ ghar meñ

dikhlātī hai tāsīr mirī āh-e-jigar aaj

yā kal the kisī bazm meñ ham zīnat-e-mahfil

yā misl bagūle ke hue ḳhāk-basar aaj

ik samt haiñ armān to ik samt tamanna

is shaan se ham jaate haiñ allāh ke ghar aaj

pahlū se jo phir uTh ke vo 'mas.ūd' gayā hai

hai sub.h se phir haal mirā nau-e-digar aaj

aankhon se rawan kyon hai mera KHun-e-jigar aaj

shayad ki hua dil hadaf-e-tir-e-nazar aaj

kya dil ki lagi hijr mein ashkon se bujhegi

kya tera bharosa ho mujhe dida-e-tar aaj

rah rah ke jo yaad aata hai ek bhulne wala

tham tham ke kuchh uThta hai mera dard-e-jigar aaj

afsos yahi hai ki KHaridar hain mafqud

har ashk ka qatra hai mera rashk-e-guhar aaj

baDhti hi chali jati hai saat hai jo us ki

shayad ki na hogi shab-e-furqat ki sahar aaj

wo subh se ghabrae hue phirte hain ghar mein

dikhlati hai tasir meri aah-e-jigar aaj

ya kal the kisi bazm mein hum zinat-e-mahfil

ya misl bagule ke hue KHak-basar aaj

ek samt hain arman to ek samt tamanna

is shan se hum jate hain allah ke ghar aaj

pahlu se jo phir uTh ke wo 'masud' gaya hai

hai subh se phir haal mera nau-e-digar aaj