آنکھوں سے اس کی یاد کا ہالہ نہیں گیا

آنکھوں سے اس کی یاد کا ہالہ نہیں گیا

کانٹا یہ اپنے دل سے نکالا نہیں گیا

غم کھائے آنسوؤں کو پیا ہونٹ سی لیے

کوئی بھی حکم آپ کا ٹالا نہیں گیا

ہر چیز کائنات کی روشن ہوئی مگر

ذہن بشر سے حرص کا جالا نہیں گیا

دیوان گان حسن کی اک بھیڑ تھی وہاں

میں اس کی انجمن میں نرالا نہیں گیا

وہ ایک بار آئے تھے دہلیز پہ مری

پھر اس کے بعد گھر سے اجالا نہیں گیا

ہر شخص کے لبوں پہ ہیں اس کی حکایتیں

ظالم سے اپنا حسن سنبھالا نہیں گیا

آسائشوں پہ راہیؔ میں کیا تبصرہ کروں

اس قید میں ابھی مجھے ڈالا نہیں گیا