aansu ko gul nab samajh kar nur ujala karte the

aañsū ko gul naab samajh kar nuur ujālā karte the

raat kī raat meñ do tāroñ kā chāñd banāyā karte the

gahre bhañvar us kī āñkhoñ kā paanī bharte rahte the

us kā lams churā kar dariyā mauj meñ aaya karte the

sar par chhatnārī rūhoñ ke taaj bhaḌakte rahte the

sabz ujāle bhar kar sīnoñ ko phailāyā karte the

chāñd uThā kar le jaate the dil kī rupahlī kashtī meñ

pichhle pahar kī sardābī se aañkh ko taaza karte the

niil musaffā āñkhoñ se takte the jism kī chāñdnī ko

phulvārī pe nuur kī parde kāñch ke taanā karte the

aansu ko gul nab samajh kar nur ujala karte the

raat ki raat mein do taron ka chand banaya karte the

gahre bhanwar us ki aankhon ka pani bharte rahte the

us ka lams chura kar dariya mauj mein aaya karte the

sar par chhatnari ruhon ke taj bhaDakte rahte the

sabz ujale bhar kar sinon ko phailaya karte the

chand uTha kar le jate the dil ki rupahli kashti mein

pichhle pahar ki sardabi se aankh ko taza karte the

nil musaffa aankhon se takte the jism ki chandni ko

phulwari pe nur ki parde kanch ke tana karte the