aao mil baiThen koi rah nikali jae

aao mil baiTheñ koī raah nikālī jaa.e

ghar kī dīvār girī hai to uThā lī jaa.e

sūkhe phūloñ ko bhī kashkol-e-mohabbat samjho

ḳhūn-e-dil chiḌko koī phuul na ḳhālī jaa.e

dil kī bastī ko basānā koī āsān nahīñ

ye vo duniyā hai ki jab chāhe banā lī jaa.e

koī aahaT na koī chaap na dastak dar par

dil kī dhaḌkan se hī āvāz milā lī jaa.e

baiThe baiThe kabhī aisī bhī ghaḌī aatī hai

maiñ use Tālnā chāhūñ to na Taalī jaa.e

ye to achchhā nahīñ pardes meñ aane vaalo

apnī miTTī se hī pahchān haTā lī jaa.e

aao mil baiThen koi rah nikali jae

ghar ki diwar giri hai to uTha li jae

sukhe phulon ko bhi kashkol-e-mohabbat samjho

KHun-e-dil chiDko koi phul na KHali jae

dil ki basti ko basana koi aasan nahin

ye wo duniya hai ki jab chahe bana li jae

koi aahaT na koi chap na dastak dar par

dil ki dhaDkan se hi aawaz mila li jae

baiThe baiThe kabhi aisi bhi ghaDi aati hai

main use Talna chahun to na Tali jae

ye to achchha nahin pardes mein aane walo

apni miTTi se hi pahchan haTa li jae