aao phir garmi dayar-e-ishq mein paida karen
aao phir garmī dayār-e-ishq meñ paidā kareñ
tuur kī miTTī se taḳhlīq-e-yad-e-baizā kareñ
husn meñ ho ishq kī bū ishq meñ ho rañg-e-husn
phir murattab rang-o-bū-e-nau se ik duniyā kareñ
jitne naġhme ho chuke haiñ gum fazā-e-dahr meñ
un ko phir āvāz deñ ik saaz meñ yakjā kareñ
mil chuke haiñ ḳhaak meñ jo TuuT kar phūloñ ke jaam
un ko dast-e-shaḳh meñ phir sāġhar-o-mīnā kareñ
zindagī do din kī us par ye jahāñ-ījādiyāñ
ehtimām itnā kareñ 'sīmāb' aur phir kyā kareñ
aao phir garmi dayar-e-ishq mein paida karen
tur ki miTTi se taKHliq-e-yad-e-baiza karen
husn mein ho ishq ki bu ishq mein ho rang-e-husn
phir murattab rang-o-bu-e-nau se ek duniya karen
jitne naghme ho chuke hain gum faza-e-dahr mein
un ko phir aawaz den ek saz mein yakja karen
mil chuke hain KHak mein jo TuT kar phulon ke jam
un ko dast-e-shaKH mein phir saghar-o-mina karen
zindagi do din ki us par ye jahan-ijadiyan
ehtimam itna karen 'simab' aur phir kya karen
- Book : Intekhab-e-Sukhan(Jild-2) (Pg. 248)
- Author : Hasrat Mohani
- Publication : uttar pradesh urdu academy (1983)
- Edition : 1983
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
