aap agar mehrban nahin hote
aap agar mehrbāñ nahīñ hote
ham jahāñ haiñ vahāñ nahīñ hote
chāhe jitne buland hoñ bādal
ye kabhī āsmāñ nahīñ hote
jin ke bas meñ zabān rahtī hai
vo kabhī be-zabāñ nahīñ hote
jo tamāshe pasand haiñ mujh ko
vo tamāshe yahāñ nahīñ hote
dasht kī baat aur hai varna
qais lailā kahāñ nahīñ hote
peḌ phaldār kaT ga.e jab se
baaġh meñ bāġhbāñ nahīñ hote
dhyān rakkheñ pukārne vaale
ham jahāñ haiñ vahāñ nahīñ hote
aap agar mehrban nahin hote
hum jahan hain wahan nahin hote
chahe jitne buland hon baadal
ye kabhi aasman nahin hote
jin ke bas mein zaban rahti hai
wo kabhi be-zaban nahin hote
jo tamashe pasand hain mujh ko
wo tamashe yahan nahin hote
dasht ki baat aur hai warna
qais laila kahan nahin hote
peD phaldar kaT gae jab se
bagh mein baghban nahin hote
dhyan rakkhen pukarne wale
hum jahan hain wahan nahin hote
- Book : Hijr Ki Dusri Dawa (Pg. 87)
- Author : Fahmi Badayuni
- Publication : Rekhta Publications (2022)
- Edition : First
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
