aap apna jawab hain hum log

aap apnā javāb haiñ ham log

kitne ḳhāna-ḳharāb haiñ ham log

tū hamārī ḳharābiyāñ mat dekh

bas-ki terā shabāb haiñ ham log

kitne naġhme chhupā.e baiThe haiñ

ik shikasta rabāb haiñ ham log

sozish-e-husn-e-yaḳh ke parvarda

ibn-e-jū-e-chanāb haiñ ham log

ham ne duniyā ko raushnī baḳhshī

vaise ġharq-e-sharāb haiñ ham log

sher chāhe 'kiran' na kahte hoñ

shā.iroñ meñ janāb haiñ ham log

aap apna jawab hain hum log

kitne KHana-KHarab hain hum log

tu hamari KHarabiyan mat dekh

bas-ki tera shabab hain hum log

kitne naghme chhupae baiThe hain

ek shikasta rabab hain hum log

sozish-e-husn-e-yaKH ke parwarda

ibn-e-ju-e-chanab hain hum log

hum ne duniya ko raushni baKHshi

waise gharq-e-sharab hain hum log

sher chahe 'kiran' na kahte hon

shairon mein janab hain hum log