aap dil-jui ki zahmat na uThaen jaen

aap dil-jūī kī zahmat na uThā.eñ jaa.eñ

ro ke baiThā huuñ na ab aur rulā.eñ jaa.eñ

mujh se kyā milnā ki maiñ ḳhud se judā baiThā huuñ

aap aa jaa.eñ mujhe mujh se milā.eñ jaa.eñ

hujra-e-chashm to auroñ ke liye band kiyā

aap to mālik-o-muḳhtār haiñ aa.eñ jaa.eñ

itnā sāñsoñ se ḳhafā huuñ ki nahīñ mānūñgā

log ro ro ke na ab mujh ko manā.eñ jaa.eñ

zindagī tū ne dukāñ khol ke likh rakkhā hai

apne hisse kā koī ranj uThā.eñ jaa.eñ

jā-ba-jā ḳhuun ke chhīñTe haiñ hamāre ghar meñ

kaun sā vird karā.eñ ki balā.eñ jaa.eñ

aur bhī aa.e the darmān-e-mohabbat le kar

aap bhī aa.eñ koī zaḳhm lagā.eñ jaa.eñ

āmad-o-raft ko duniyā.eñ paḌī haiñ 'nayyar'

dil kī bastī ko na bāzār banā.eñ jaa.eñ

aap dil-jui ki zahmat na uThaen jaen

ro ke baiTha hun na ab aur rulaen jaen

mujh se kya milna ki main KHud se juda baiTha hun

aap aa jaen mujhe mujh se milaen jaen

hujra-e-chashm to auron ke liye band kiya

aap to malik-o-muKHtar hain aaen jaen

itna sanson se KHafa hun ki nahin manunga

log ro ro ke na ab mujh ko manaen jaen

zindagi tu ne dukan khol ke likh rakkha hai

apne hisse ka koi ranj uThaen jaen

ja-ba-ja KHun ke chhinTe hain hamare ghar mein

kaun sa wird karaen ki balaen jaen

aur bhi aae the darman-e-mohabbat le kar

aap bhi aaen koi zaKHm lagaen jaen

aamad-o-raft ko duniyaen paDi hain 'nayyar'

dil ki basti ko na bazar banaen jaen