aap ek bosa nahin dete KHuda ke waste

aap ik bosa nahīñ dete ḳhudā ke vāste

log sar de Dālte haiñ āshnā ke vāste

ik adā darkār hai qātil fazā ke vāste

zindagānī maut hai ahl-e-vafā ke vāste

jaan detā hai butān-e-be-vafā ke vāste

koī samjhā.e mire dil ko ḳhudā ke vāste

ek din barbād hogā jism misl-e-gard-bād

ḳhaak uḌānā khel bād-e-sabā ke vāste

daaġh khāte haiñ tirī zulfoñ ke saudā.ī mudām

mushk duniyā meñ nahīñ miltā davā ke vāste

tū jo mere ustuḳhvāñ khātā nahīñ dīvāna hai

ai sag-e-jānāñ sa.ādat hai humā ke vāste

ḳhāksārī kar safā-e-qalb agar manzūr hai

ḳhaak meñ miltā hai ā.īna jilā ke vāste

kuchh javāb-e-nāma-o-paiġhām to detā nahīñ

ai sanam dete haiñ paiġhambar ḳhudā ke vāste

surma manzūr-e-nazar kis chashm ko ai 'arsh' hai

tautiyā hote haiñ patthar tautiyā ke vāste

aap ek bosa nahin dete KHuda ke waste

log sar de Dalte hain aashna ke waste

ek ada darkar hai qatil faza ke waste

zindagani maut hai ahl-e-wafa ke waste

jaan deta hai butan-e-be-wafa ke waste

koi samjhae mere dil ko KHuda ke waste

ek din barbaad hoga jism misl-e-gard-baad

KHak uDana khel baad-e-saba ke waste

dagh khate hain teri zulfon ke saudai mudam

mushk duniya mein nahin milta dawa ke waste

tu jo mere ustuKHwan khata nahin diwana hai

ai sag-e-jaanan saadat hai huma ke waste

KHaksari kar safa-e-qalb agar manzur hai

KHak mein milta hai aaina jila ke waste

kuchh jawab-e-nama-o-paigham to deta nahin

ai sanam dete hain paighambar KHuda ke waste

surma manzur-e-nazar kis chashm ko ai 'arsh' hai

tautiya hote hain patthar tautiya ke waste