aap jab bhi aa gae aisa laga

aap jab bhī aa ga.e aisā lagā

āsmāñ qadmoñ se mere aa lagā

dard kā sangīt bhī mīThā lagā

jo bhī dil ko chhū gayā achchhā lagā

jaane kyoñ duniyā kā dard apnā lagā

ham ko dushman bhī hamīñ jaisā lagā

husn kī nīchī nigāheñ dekh kar

ishq kā sar āsmāñ se jā lagā

āḳhir apnā desh apnā desh hai

pyaar se dekhā jise apnā lagā

god ke bachche meñ maañ kā nuur hai

jis ne dekhā aa.ina kā taarā lagā

kyoñ nahīñ 'fayyāz' tujh ko qadr-e-dil

achchhe achchhoñ ko to dil achchhā lagā

aap jab bhi aa gae aisa laga

aasman qadmon se mere aa laga

dard ka sangit bhi miTha laga

jo bhi dil ko chhu gaya achchha laga

jaane kyon duniya ka dard apna laga

hum ko dushman bhi hamin jaisa laga

husn ki nichi nigahen dekh kar

ishq ka sar aasman se ja laga

aaKHir apna desh apna desh hai

pyar se dekha jise apna laga

god ke bachche mein man ka nur hai

jis ne dekha aaina ka tara laga

kyon nahin 'fayyaz' tujh ko qadr-e-dil

achchhe achchhon ko to dil achchha laga