aap jo humse bane rahte hain anjaan bahut

aap jo ham se bane rahte haiñ anjān bahut

aise meñ pyaar ke baḌh jaate haiñ imkān bahut

mujh ko Dar hai ki bichhaḌne kī ghaḌī aa.ī hai

āj-kal vo mujhe kahtā hai mirī jaan bahut

us kā dā'vā hai ki fan ye use virse meñ milā

she'r-goī pe hamārī hai vo hairān bahut

vo basārat se basīrat kī taraf jaatā hai

chūmtā rahtā hai āñkhoñ se jo juzdān bahut

raam kar lete the ham us ko ġhazal kah ke 'na’īm'

kyā kareñ ab to ġhazal bhī hai musalmān bahut

aap jo hum se bane rahte hain anjaan bahut

aise mein pyar ke baDh jate hain imkan bahut

mujh ko Dar hai ki bichhaDne ki ghaDi aai hai

aaj-kal wo mujhe kahta hai meri jaan bahut

us ka da'wa hai ki fan ye use wirse mein mila

she'r-goi pe hamari hai wo hairan bahut

wo basarat se basirat ki taraf jata hai

chumta rahta hai aankhon se jo juzdan bahut

ram kar lete the hum us ko ghazal kah ke 'na’im'

kya karen ab to ghazal bhi hai musalman bahut