aap jo kuchh qarar karte hain

aap jo kuchh qarār karte haiñ

kahiye ham e'tibār karte haiñ

ye ki yaañ maiñ huuñ vaa.e un kā haal

mujh pe jo iftiḳhār karte haiñ

par farishte ke us jagah jal jaa.eñ

jis taraf ham guzār karte haiñ

go kuhan-dām haiñ ham ai sayyād

lek anqā shikār karte haiñ

sī to lene do jeb nāseh ko

ab kī ham taar taar karte haiñ

dil kī dil jaane ham to apnā kaam

ab ke kheve meñ paar karte haiñ

gir rahā hai ravāq-e-vahm ġhāfil

fikr-e-naqsh-o-nigār karte haiñ

sar gayā nāma-bar kā vaañ ai vaa.e

yaañ qadam ham shumār karte haiñ

dil-tahī kyā kare hai tiiñ pahlū

ham to aap hī kanār karte haiñ

chaliye qaa.em ki raftagāñ apnā

der se intizār karte haiñ

aap jo kuchh qarar karte hain

kahiye hum e'tibar karte hain

ye ki yan main hun wae un ka haal

mujh pe jo iftiKHar karte hain

par farishte ke us jagah jal jaen

jis taraf hum guzar karte hain

go kuhan-dam hain hum ai sayyaad

lek anqa shikar karte hain

si to lene do jeb naseh ko

ab ki hum tar tar karte hain

dil ki dil jaane hum to apna kaam

ab ke khewe mein par karte hain

gir raha hai rawaq-e-wahm ghafil

fikr-e-naqsh-o-nigar karte hain

sar gaya nama-bar ka wan ai wae

yan qadam hum shumar karte hain

dil-tahi kya kare hai tin pahlu

hum to aap hi kanar karte hain

chaliye qaem ki raftagan apna

der se intizar karte hain