aap ka nam jo lag jae mere nam ke sath

aap kā naam jo lag jaa.e mire naam ke saath

eid kā chāñd nazar aa.e har ik shaam ke saath

us kī Thokar pe rahī saare zamāne kī ḳhushī

zindagī jis ne guzārī ġham-o-ālām ke saath

kyā tamāsha hai mirī maut ke paiġhām ke saath

aa.e ho bikhrī huī zulf-e-siyah-fām ke saath

ab koī shaḳhs kisī shaḳhs se nafrat na kare

aam ho aisī mohabbat mire paiġhām ke saath

naza.a ke vaqt jo aa jāoge bālīñ pe mirī

jism se ruuh nikal jā.egī ārām ke saath

mujhe to kohna rivāyāt kā pāband na kar

vāsta maiñ na rakhūñgā ravish-e-ām ke saath

maiñ vafādār rahā maslahat-āgīñ na banā

magar afsāna banā Daalā is ilzām ke saath

mai-kade se jo maiñ niklā to ajab aalam thā

jaam āñkhoñ ke the labrez tahī-jām ke saath

ġham-e-daurāñ kī rahī yā ġham-e-jānāñ kī rahī

al-ġharaz chheḌ rahī manzil-e-nākām ke saath

aap ka nam jo lag jae mere nam ke sath

eid ka chand nazar aae har ek sham ke sath

us ki Thokar pe rahi sare zamane ki KHushi

zindagi jis ne guzari gham-o-alam ke sath

kya tamasha hai meri maut ke paigham ke sath

aae ho bikhri hui zulf-e-siyah-fam ke sath

ab koi shaKHs kisi shaKHs se nafrat na kare

aam ho aisi mohabbat mere paigham ke sath

naza ke waqt jo aa jaoge baalin pe meri

jism se ruh nikal jaegi aaram ke sath

mujhe to kohna riwayat ka paband na kar

wasta main na rakhunga rawish-e-am ke sath

main wafadar raha maslahat-agin na bana

magar afsana bana Dala is ilzam ke sath

mai-kade se jo main nikla to ajab aalam tha

jam aankhon ke the labrez tahi-jam ke sath

gham-e-dauran ki rahi ya gham-e-jaanan ki rahi

al-gharaz chheD rahi manzil-e-nakaam ke sath