aap kahte hain nahin milte dil afsane mein

aap kahte haiñ nahīñ milte dil afsāne meñ

phir se ham aa hī ga.e aap ke bahlāne meñ

vo baras biit gayā jis meñ tumheñ paayā thā

umr guzregī ise bārhā dohrāne meñ

phuul par ek mahaktī huī titlī dekhī

kyā tumheñ chhū liyā us ne kahīñ anjāne meñ

shart-e-maujūdgī darkār nahīñ ulfat ko

vaqt zaa.e.a na kar aane meñ aur jaane meñ

har nafas tum hī ho har samt tumhāre jalve

lutf itnā na thā ai yaar tujhe paane meñ

chāñd ko jhiil ke paanī meñ utārā lekin

aag paanī meñ lagā baiThe haiñ anjāne meñ

ishq par zor nahīñ phir bhī lage rahte haiñ

ham kabhī ḳhud ko kabhī aap ko samjhāne meñ

aap kahte hain nahin milte dil afsane mein

phir se hum aa hi gae aap ke bahlane mein

wo baras bit gaya jis mein tumhein paya tha

umr guzregi ise barha dohrane mein

phul par ek mahakti hui titli dekhi

kya tumhein chhu liya us ne kahin anjaane mein

shart-e-maujudgi darkar nahin ulfat ko

waqt zaea na kar aane mein aur jaane mein

har nafas tum hi ho har samt tumhaare jalwe

lutf itna na tha ai yar tujhe pane mein

chand ko jhil ke pani mein utara lekin

aag pani mein laga baiThe hain anjaane mein

ishq par zor nahin phir bhi lage rahte hain

hum kabhi KHud ko kabhi aap ko samjhane mein