آپ کے جتنے مجھ پہ کرم ہیں میں جانوں یا دل جانے ہے
آپ کے جتنے مجھ پہ کرم ہیں میں جانوں یا دل جانے ہے
کتنی خوشی اور کتنے غم ہیں میں جانوں یا دل جانے ہے
ایک طرف ہے سارا زمانہ اک جانب مجھ سا دیوانہ
کتنے ستم بالائے ستم ہیں میں جانوں یا دل جانے ہے
اہل محبت اہل زمانہ غم سے پرے ہو کر چلتے ہیں
آج بھلا کیوں وقف الم ہیں میں جانوں یا دل جانے ہے
حال مرا جو آج ہوا ہے کوئی نہ سمجھے کوئی نہ جانے
لب پہ تبسم آنکھیں نم ہیں میں جانوں یا دل جانے ہے
ہائے وہ ان کا طرز تکلم فرمانا با موج تبسم
کل بھی ہم تھے آج بھی ہم ہیں میں جانوں یا دل جانے ہے
آپ کی خاطر جام و سبو تھے آپ تو وقف رنگ و بو تھے
آج مگر کیوں صید الم ہیں میں جانوں یا دل جانے ہے
حسرتؔ کی غزلوں نے آخر لوٹ لیا محفل کو لیکن
حضرت کیسے اہل قلم ہیں میں جانوں یا دل جانے ہے
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
