aap ke mahram asrar the aghyar ki hum

aap ke mahram asrār the aġhyār ki ham

dil-e-ġhamnāk ke tum rahte the ġham-ḳhvār ki ham

shikva-ālūd nasīhat nahīñ achchhī nāseh

aap haiñ kushta-e-bedād-e-sitamgār ki ham

hashr agar kahve madad-gār hamārā hai kaun

bol uThe saaf tirā fitna-e-raftār ki ham

aap kī shaan kā sāmān kahāñ se aayā

yūsuf-e-husn ke the aap ḳharīdār ki ham

ham burā ġhair se milne ko samajhte the ki tum

apne matlab ke haiñ aġhyār talabgār ki ham

haa.e be-rahmī-e-dil-dār se be-qadrī jaan

ziist se aap hamārī hue bezār ki ham

jānte ham haiñ burā rabt jatāne ko ki ġhair

hoñge mash.hūr havasnāk tire yaar ki ham

qatl kyā ho koī ḳhanjar meñ nahīñ tarz-e-nigāh

daad ai ishq hai jallād gunahgār ki ham

na mohabbat kī ḳhabar us ko na ham ko us kī

sādgī kah to sahī yaar hai ayyār ki ham

roz-o-shab mere phirāne ko phire jaatā hai

charḳh hai gardish-e-bekār se nā-chār ki ham

ho ke pāmāl Thikāne se lagī ḳhaak apnī

tū hai āshufta sar-e-kūcha-o-bāzār ki ham

un ko tum chāhte ho aap ko ham chāhte haiñ

lā.eq-e-rahm haiñ farmā.iye aġhyār ki ham

ai 'qalaq' paañv zamīñ par nahīñ rakhtā maġhrūr

charḳh hai ḳhāk-e-dar-e-haidar-e-karrār ki ham

aap ke mahram asrar the aghyar ki hum

dil-e-ghamnak ke tum rahte the gham-KHwar ki hum

shikwa-alud nasihat nahin achchhi naseh

aap hain kushta-e-bedad-e-sitamgar ki hum

hashr agar kahwe madad-gar hamara hai kaun

bol uThe saf tera fitna-e-raftar ki hum

aap ki shan ka saman kahan se aaya

yusuf-e-husn ke the aap KHaridar ki hum

hum bura ghair se milne ko samajhte the ki tum

apne matlab ke hain aghyar talabgar ki hum

hae be-rahmi-e-dil-dar se be-qadri jaan

zist se aap hamari hue bezar ki hum

jaante hum hain bura rabt jatane ko ki ghair

honge mashhur hawasnak tere yar ki hum

qatl kya ho koi KHanjar mein nahin tarz-e-nigah

dad ai ishq hai jallad gunahgar ki hum

na mohabbat ki KHabar us ko na hum ko us ki

sadgi kah to sahi yar hai ayyar ki hum

roz-o-shab mere phirane ko phire jata hai

charKH hai gardish-e-bekar se na-chaar ki hum

ho ke pamal Thikane se lagi KHak apni

tu hai aashufta sar-e-kucha-o-bazar ki hum

un ko tum chahte ho aap ko hum chahte hain

laeq-e-rahm hain farmaiye aghyar ki hum

ai 'qalaq' panw zamin par nahin rakhta maghrur

charKH hai KHak-e-dar-e-haidar-e-karrar ki hum