aap ke pas mere dard ka darman bhi nahin

aap ke paas mire dard kā darmāñ bhī nahīñ

ḳhair fitrat mirī minnat-kash-e-ehsāñ bhī nahīñ

mere chehre se mire dard kā andāza ġhalat

vo fasāna huuñ ki jis kā koī unvāñ bhī nahīñ

kis se rūdād kahūñ raah kī dushvārī kī

ham-safar ab to mirī gardish-e-daurāñ bhī nahīñ

maiñ ne ehsās ke but toḌ diye haiñ 'mohsin'

ab mire sar mire ahbāb kā ehsāñ bhī nahīñ

aap ke pas mere dard ka darman bhi nahin

KHair fitrat meri minnat-kash-e-ehsan bhi nahin

mere chehre se mere dard ka andaza ghalat

wo fasana hun ki jis ka koi unwan bhi nahin

kis se rudad kahun rah ki dushwari ki

ham-safar ab to meri gardish-e-dauran bhi nahin

main ne ehsas ke but toD diye hain 'mohsin'

ab mere sar mere ahbab ka ehsan bhi nahin