aap ke sath ho liye sahab

aap ke saath ho liye sāhab

boliye kuchh to boliye sāhab

ek ghanTe ke saaTh mintoñ meñ

saiñkaḌoñ baar ro liye sāhab

log to log the magar ye kyā

aap bhī saath ho liye sāhab

ḳhāmushī kaan khā ga.ī hai mire

ras samā.at meñ gholiye sāhab

band-e-ġham se mujhe rihā.ī mile

apnī bāñhoñ ko kholiye sāhab

ham ne āñchal pe hijr kaaḌh liyā

aur aañsū piro liye sāhab

āstīñ meñ rahā nahīñ kuchh bhī

pal chuke haiñ sañpoliye sāhab

aap kā dil hamārā maskan hai

dhaḌkanoñ ko TaToliye sāhab

mat aTakiye miyān-e-goyā.ī

har qadam par na Doliye sāhab

aap ke sath ho liye sahab

boliye kuchh to boliye sahab

ek ghanTe ke saTh minton mein

sainkaDon bar ro liye sahab

log to log the magar ye kya

aap bhi sath ho liye sahab

KHamushi kan kha gai hai mere

ras samaat mein gholiye sahab

band-e-gham se mujhe rihai mile

apni banhon ko kholiye sahab

hum ne aanchal pe hijr kaDh liya

aur aansu piro liye sahab

aastin mein raha nahin kuchh bhi

pal chuke hain sanpoliye sahab

aap ka dil hamara maskan hai

dhaDkanon ko TaToliye sahab

mat aTakiye miyan-e-goyai

har qadam par na Doliye sahab