aapko aise na khona tha hamein

aap ko aise na khonā thā hameñ

thoḌā duniyā-dār honā thā hameñ

haal par hañste the jin ke aaj tak

ab unhīñ ke saath ronā thā hameñ

qabr bhī us kī kahīñ baaqī na thī

jis kī bīmārī ko Dhonā thā hameñ

ḳhud-kushī karne to ham aa.e na the

phir yahāñ kis ko Dubonā thā hameñ

ye koī itnī baḌī ḳhvāhish na thī

der tak ik roz sonā thā hameñ

be-sabab us ko bahāna de diyā

vaqt se tayyār honā thā hameñ

aap ke naḳhroñ ko bhī denā thā vaqt

aur zamāne kā bhī honā thā hameñ

tū gayā to rah gayā vo daaġh bhī

vo jise mil-jul ke dhonā thā hameñ

aap ko aise na khona tha hamein

thoDa duniya-dar hona tha hamein

haal par hanste the jin ke aaj tak

ab unhin ke sath rona tha hamein

qabr bhi us ki kahin baqi na thi

jis ki bimari ko Dhona tha hamein

KHud-kushi karne to hum aae na the

phir yahan kis ko Dubona tha hamein

ye koi itni baDi KHwahish na thi

der tak ek roz sona tha hamein

be-sabab us ko bahana de diya

waqt se tayyar hona tha hamein

aap ke naKHron ko bhi dena tha waqt

aur zamane ka bhi hona tha hamein

tu gaya to rah gaya wo dagh bhi

wo jise mil-jul ke dhona tha hamein