آپ کیا ہیں آپ کو جانا تو اندازہ ہوا

آپ کیا ہیں آپ کو جانا تو اندازہ ہوا

دل ہوا کعبہ سے بت خانہ تو اندازہ ہوا

کتنا مشکل کام ہے توبہ کا رکھنا برقرار

سامنے آیا جو پیمانہ تو اندازہ ہوا

شمع محفل کو نہ اندازہ تھا اپنی آگ کا

ہو گیا جب خاک پروانہ تو اندازہ ہوا

ان کی آنکھوں میں بھی مستی ہے شراب ناب سی

گر گیا ہاتھوں سے پیمانہ تو اندازہ ہوا

کوئی تبدیلی ہوئی ہے میری حالت میں ضرور

مجھ کو اپنوں نے نہ پہچانا تو اندازہ ہوا

میری بے پایاں محبت ہے فریب حسن و عشق

کہہ گئے وہ ہنس کے دیوانہ تو اندازہ ہوا

میں شہنشاہ دیار عشق ہوں حیرت نہیں

ہو گیا جب ان سے یارانہ تو اندازہ ہوا