aap kya hain aapko jaana to andaza hua

aap kyā haiñ aap ko jaanā to andāza huā

dil huā ka.aba se but-ḳhāna to andāza huā

kitnā mushkil kaam hai tauba kā rakhnā barqarār

sāmne aaya jo paimāna to andāza huā

sham'-e-mahfil ko na andāza thā apnī aag kā

ho gayā jab ḳhaak parvāna to andāza huā

un kī āñkhoñ meñ bhī mastī hai sharāb-e-nāb sī

gir gayā hāthoñ se paimāna to andāza huā

koī tabdīlī huī hai merī hālat meñ zarūr

mujh ko apnoñ ne na pahchānā to andāza huā

merī be-pāyāñ mohabbat hai fareb-e-husn-o-ishq

kah ga.e vo hañs ke dīvāna to andāza huā

maiñ shahanshāh-e-dayār-e-ishq huuñ hairat nahīñ

ho gayā jab un se yārāna to andāza huā

aap kya hain aap ko jaana to andaza hua

dil hua kaba se but-KHana to andaza hua

kitna mushkil kaam hai tauba ka rakhna barqarar

samne aaya jo paimana to andaza hua

sham'-e-mahfil ko na andaza tha apni aag ka

ho gaya jab KHak parwana to andaza hua

un ki aankhon mein bhi masti hai sharab-e-nab si

gir gaya hathon se paimana to andaza hua

koi tabdili hui hai meri haalat mein zarur

mujh ko apnon ne na pahchana to andaza hua

meri be-payan mohabbat hai fareb-e-husn-o-ishq

kah gae wo hans ke diwana to andaza hua

main shahanshah-e-dayar-e-ishq hun hairat nahin

ho gaya jab un se yarana to andaza hua