aapne hath rakkha mere hat par

aap ne haath rakkhā mire haat par

phir gayā saarā ilzām barsāt par

aag sāvan ne saarī lagā.ī yahāñ

tars khaa.ī na kuchh us ne hālāt par

vo mirā imtihāñ leñge hargiz nahīñ

jaan de deñge ham un kī ik baat par

mehrbāñ vo hue jab ghaḌī do ghaḌī

ham ne ġhazleñ kahīñ chāñdnī-rāt par

jiit kar bhī use is qadar rañj hai

vo pashemān kyuuñ hai mirī maat par

barf kī vādiyoñ meñ vo milnā tirā

ye ġhazal nazr hai us mulāqāt par

aap ne hath rakkha mere hat par

phir gaya sara ilzam barsat par

aag sawan ne sari lagai yahan

tars khai na kuchh us ne haalat par

wo mera imtihan lenge hargiz nahin

jaan de denge hum un ki ek baat par

mehrban wo hue jab ghaDi do ghaDi

hum ne ghazlen kahin chandni-raat par

jit kar bhi use is qadar ranj hai

wo pasheman kyun hai meri mat par

barf ki wadiyon mein wo milna tera

ye ghazal nazr hai us mulaqat par