aapne ki nazar to chaman jag uTha

aap ne kī nazar to chaman jaag uThā

mausam-e-gul kā dīvāna-pan jaag uThā

aaj sarshār qalb-o-nazar ho ga.e

husn yuuñ anjuman anjuman jaag uThā

so na paayā thā najm-e-sahar aur phir

ban ke pahlī rupahlī kiran jaag uThā

kis ishāre ne izn-e-takallum diyā

be-zabānoñ kā zauq-e-suḳhan jaag uThā

husn ne imtihāñ kā irāda kiyā

ishq kā zauq-e-dār-o-rasan jaag uThā

anjum anjum tabassum meñ gum ho gayā

sub.h hote hī charḳh-e-kuhan jaag uThā

bū-e-gul kis qadar thī hayāt-āfrīñ

ḳhvāb se 'fitrat'-e-ḳhush-suḳhan jaag uTThā

aap ne ki nazar to chaman jag uTha

mausam-e-gul ka diwana-pan jag uTha

aaj sarshaar qalb-o-nazar ho gae

husn yun anjuman anjuman jag uTha

so na paya tha najm-e-sahar aur phir

ban ke pahli rupahli kiran jag uTha

kis ishaare ne izn-e-takallum diya

be-zabanon ka zauq-e-suKHan jag uTha

husn ne imtihan ka irada kiya

ishq ka zauq-e-dar-o-rasan jag uTha

anjum anjum tabassum mein gum ho gaya

subh hote hi charKH-e-kuhan jag uTha

bu-e-gul kis qadar thi hayat-afrin

KHwab se 'fitrat'-e-KHush-suKHan jag uTTha