aap ruswa hue zamane mein

aap rusvā hue zamāne meñ

ik zarā ā.īna dikhāne meñ

vo kisī se bhī Dar nahīñ saktā

haq pe chaltā hai jo zamāne meñ

tū ne parkhā bhī hai kabhī us ko

kitne jauhar haiñ is divāne meñ

paas rakhnā hai kuchh anā kā bhī

ye qabāhat hai sar jhukāne meñ

qahr chāroñ taraf barastā hai

ik zarā us ke ruuTh jaane meñ

zulm par baḌh ke ehtijāj karo

chhup ke baiTho na āshiyāne meñ

tabsire tazkire siyāsat ke

mīr-o-ġhālib ke āstāne meñ

ho na ho ye 'bahār' sāzish hai

zer-e-lab un ke muskurāne meñ

aap ruswa hue zamane mein

ek zara aaina dikhane mein

wo kisi se bhi Dar nahin sakta

haq pe chalta hai jo zamane mein

tu ne parkha bhi hai kabhi us ko

kitne jauhar hain is diwane mein

pas rakhna hai kuchh ana ka bhi

ye qabahat hai sar jhukane mein

qahr chaaron taraf barasta hai

ek zara us ke ruTh jaane mein

zulm par baDh ke ehtijaj karo

chhup ke baiTho na aashiyane mein

tabsire tazkire siyasat ke

mir-o-ghaalib ke aastane mein

ho na ho ye 'bahaar' sazish hai

zer-e-lab un ke muskurane mein