aap se rabta nahin mere dost

aap se rābta nahīñ mire dost

saañs kā silsila nahīñ mire dost

apnī marzī kī khīñch lo tasvīr

zindagī camera nahīñ mire dost

dost to aur bhī hazāroñ haiñ

koī bhī aap sā nahīñ mire dost

tū ne dushman samajh liyā mujh ko

maiñ ne kuchh bhī kahā nahīñ mire dost

bārhā terā mujh se mil jaanā

ye koī hādisa nahīñ mire dost

maiñ use bhuul jā.ūñ pāgal ho

muft kā mashvara nahīñ mire dost

tū bahut duur hai magar phir bhī

ye koī fāsla nahīñ mire dost

maiñ tirī call kaaT duuñ 'abdul'

mujh meñ ye hausla nahīñ mire dost

aap se rabta nahin mere dost

sans ka silsila nahin mere dost

apni marzi ki khinch lo taswir

zindagi camera nahin mere dost

dost to aur bhi hazaron hain

koi bhi aap sa nahin mere dost

tu ne dushman samajh liya mujh ko

main ne kuchh bhi kaha nahin mere dost

barha tera mujh se mil jaana

ye koi hadisa nahin mere dost

main use bhul jaun pagal ho

muft ka mashwara nahin mere dost

tu bahut dur hai magar phir bhi

ye koi fasla nahin mere dost

main teri call kaT dun 'abdul'

mujh mein ye hausla nahin mere dost