aap se sharh-e-arzu to karen
aap se sharh-e-ārzū to kareñ
aap taklīf-e-guftugū to kareñ
vo yahīñ haiñ jo vo kahīñ bhī nahīñ
aa.iye dil meñ justujū to kareñ
ahl-e-duniyā mujhe samajh leñge
dil kisī din zarā lahū to kareñ
rañg o bū kyā hai ye to samjhā do
sair-e-duniyā-e-rañg-o-bū to kareñ
tum se milne kī aarzū hī sahī
tum se milne kī aarzū to kareñ
vo udhar ruḳh idhar hai mayyat kā
log 'fānī' ko qibla-rū to kareñ
aap se sharh-e-arzu to karen
aap taklif-e-guftugu to karen
wo yahin hain jo wo kahin bhi nahin
aaiye dil mein justuju to karen
ahl-e-duniya mujhe samajh lenge
dil kisi din zara lahu to karen
rang o bu kya hai ye to samjha do
sair-e-duniya-e-rang-o-bu to karen
tum se milne ki aarzu hi sahi
tum se milne ki aarzu to karen
wo udhar ruKH idhar hai mayyat ka
log 'fani' ko qibla-ru to karen
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
