آپ تیر و کمان والے ہیں
آپ تیر و کمان والے ہیں
ہم تو اردو زبان والے ہیں
ہم ہیں معمار اونچے محلوں کے
پھر بھی کچے مکان والے ہیں
مطمئن ہم ہیں دھوپ میں رہ کر
خوش نہیں سائبان والے ہیں
مصلحت ہے جو چپ ہیں لب اپنے
ورنہ ہم بھی زبان والے ہیں
ہم سفر میرے ہو نہیں سکتے
آپ اونچی اڑان والے ہیں
خاک ہیں اس لئے ہیں خاک نشیں
ورنہ ہم آسمان والے ہیں
مستؔ نسبت ہے میرؔ و غالبؔ سے
ہم بھی ہندوستان والے ہیں
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
