آپکا جب سے آنا ہوا
آپکا جب سے آنا ہوا
خوش نما آشیانہ ہوا
ان کی باتیں غزل ہو گئیں
اپنا دل شاعرانہ ہوا
رات کی کیا کہیں رات بھر
ان کا خوابوں میں آنا ہوا
عشق کیجے تو مت سوچئے
کس گلی آنا جانا ہوا
دل کا پنچھی وہیں جائے گا
جس جگہ آب و دانہ ہوا
جس کے بن ایک پل بوجھ تھا
اس کو دیکھے زمانہ ہوا
قد سے سایہ بڑا ہو گیا
شام کا جیوں جیوں آنا ہوا
چین اک پل نہیں ہے رتنؔ
جب سے دل کا لگانا ہوا
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
