aarastgi baDi jila hai

ārāstgī baḌī jilā hai

patthar kī baġhal meñ aa.ina hai

mujh ko yahī aap se gilā hai

pūchhā na kabhī ki haal kyā hai

allāh re husn kī lagāvaT

dā.ūd raqīb aur yā hai

khoTe haiñ tilā.ī rañg vaale

us sone ko bārhā kasā hai

bāloñ ke ghaTā tale haiñ jhāle

meñh motiyoñ kā baras rahā hai

taqdīr meñ aag lagī ga.ī hai

aalam se jigar jalā-bhunā hai

piirī meñ hai harf zindagī par

jo qad ḳhamīda hai vo lā hai

piite haiñ sharāb mā-badaulat

saaqī bat-e-mai nahīñ humā hai

maiñ dauḌ rahā huuñ us ke pīchhe

jo saa.e se apne bhāgtā hai

bīmār huuñ ḳhūb-sūratoñ kā

husn-e-yūsuf mirī davā hai

bārīk kamar hai kyā hī us kī

talvār meñ baal aa gayā hai

bhavoñ par jo dupaTTe kā hai lachkā

paTThā talvār par charā hai

kamre kā khulā hai dar sar-e-rāh

ma.ashūq baġhal meñ hai ye kyā hai

kyuuñ hote ho 'bahr' tasht-az-bām

chilman chhoḌvā do sāmnā hai

aarastgi baDi jila hai

patthar ki baghal mein aaina hai

mujh ko yahi aap se gila hai

puchha na kabhi ki haal kya hai

allah re husn ki lagawaT

daud raqib aur ya hai

khoTe hain tilai rang wale

us sone ko barha kasa hai

baalon ke ghaTa tale hain jhaale

meinh motiyon ka baras raha hai

taqdir mein aag lagi gai hai

aalam se jigar jala-bhuna hai

piri mein hai harf zindagi par

jo qad KHamida hai wo la hai

pite hain sharab ma-badaulat

saqi bat-e-mai nahin huma hai

main dauD raha hun us ke pichhe

jo sae se apne bhagta hai

bimar hun KHub-suraton ka

husn-e-yusuf meri dawa hai

barik kamar hai kya hi us ki

talwar mein baal aa gaya hai

bhawon par jo dupaTTe ka hai lachka

paTTha talwar par chara hai

kamre ka khula hai dar sar-e-rah

mashuq baghal mein hai ye kya hai

kyun hote ho 'bahr' tasht-az-baam

chilman chhoDwa do samna hai