aariz ki tab saya-e-gesu ghazal mein hai

aariz kī taab sāya-e-gesū ġhazal meñ hai

ya.anī ki dhuup chhāñv kā jaadū ġhazal meñ hai

bazm-e-suḳhan na pūchh mo.attar hai kis liye

gulhā-e-rañgā-rang kī ḳhushbū ġhazal meñ hai

sakta qubūl qāfiya paimā.ī ko nahīñ

be-vazn honā mat ki tarāzū ġhazal meñ hai

kartā huuñ tere zikr se arz apnī baat maiñ

kab koī imtiyāz-e-man-o-tū ġhazal meñ hai

har ik ġhazal hai miir taqī 'mīr' ādatan

ho yā na ho hañsī magar aañsū ġhazal meñ hai

kahiye tamām shā.erī kī aabrū use

tarz-e-bayāñ kuchh aur hī urdu ġhazal meñ hai

aurat se guftugū ko nahīñ tuul dījiye

ījāz-o-iḳhtisār kā pahlū ġhazal meñ hai

aariz ki tab saya-e-gesu ghazal mein hai

yani ki dhup chhanw ka jadu ghazal mein hai

bazm-e-suKHan na puchh moattar hai kis liye

gulha-e-ranga-rang ki KHushbu ghazal mein hai

sakta qubul qafiya paimai ko nahin

be-wazn hona mat ki taraazu ghazal mein hai

karta hun tere zikr se arz apni baat main

kab koi imtiyaz-e-man-o-tu ghazal mein hai

har ek ghazal hai mir taqi 'mir' aadatan

ho ya na ho hansi magar aansu ghazal mein hai

kahiye tamam shaeri ki aabru use

tarz-e-bayan kuchh aur hi urdu ghazal mein hai

aurat se guftugu ko nahin tul dijiye

ijaz-o-iKHtisar ka pahlu ghazal mein hai