aarzu-e-dil-e-sad-chaak hai darman hona

ārzū-e-dil-e-sad-chāk hai darmāñ honā

ya.anī kuchh aur tirī teġh kā ehsāñ honā

maut aanā hai ġham-e-hijr kā darmāñ honā

ye vo mushkil hai ki āsān nahīñ āsāñ honā

maqsad-e-zīst hai qurbāñ ba-dil-o-jāñ honā

naam ehsās-e-farā.ez kā hai insāñ honā

ban ga.e tā.ir-e-tasvīr qafas meñ aa kar

raas aayā na asīroñ ko ḳhush-ilhāñ honā

rah ga.ī ab to yahī ek ibādat apnī

yaad kar kar ke gunāhoñ ko pashemāñ honā

bā.is-e-marg huī joshish-e-shauq-e-bismil

us kī qismat meñ na thā aap kā ehsāñ honā

ā.ina-dār-e-haqīqat hai ḳhushā josh-e-junūñ

zarre zarre kā bayābāñ ke bayābāñ honā

merī bālīñ pe na baiTho ki bahut mushkil hai

jaan se duur sharīk-e-ġham-e-pinhāñ honā

muskurā kar ye pas-e-qatl bhī kahtā hai 'shamīm'

vo bhī ho jaa.e jo baaqī hai mirī jaañ honā

aarzu-e-dil-e-sad-chaak hai darman hona

yani kuchh aur teri tegh ka ehsan hona

maut aana hai gham-e-hijr ka darman hona

ye wo mushkil hai ki aasan nahin aasan hona

maqsad-e-zist hai qurban ba-dil-o-jaan hona

nam ehsas-e-faraez ka hai insan hona

ban gae tair-e-taswir qafas mein aa kar

ras aaya na asiron ko KHush-ilhan hona

rah gai ab to yahi ek ibaadat apni

yaad kar kar ke gunahon ko pasheman hona

bais-e-marg hui joshish-e-shauq-e-bismil

us ki qismat mein na tha aap ka ehsan hona

aaina-dar-e-haqiqat hai KHusha josh-e-junun

zarre zarre ka bayaban ke bayaban hona

meri baalin pe na baiTho ki bahut mushkil hai

jaan se dur sharik-e-gham-e-pinhan hona

muskura kar ye pas-e-qatl bhi kahta hai 'shamim'

wo bhi ho jae jo baqi hai meri jaan hona