aarzu-e-visal-e-yar karen

ārzū-e-visāl-e-yār kareñ

kis ke aane kā intizār kareñ

dard ke kis maqām se guzreñ

apnā dariyā kahāñ se paar kareñ

kis se kis moḌ par bichhaḌ jaa.eñ

kaun sā hijr iḳhtiyār kareñ

ye jo ik zaḳhm-e-jāñ pas-e-jāñ hai

kis ke siine ke ār-pār kareñ

fursat-e-shauq umr-e-āvāra

aa tujhe aaj sharmsār kareñ

dil kī ūñchī machān par baiTheñ

aur koī aarzū shikār kareñ

mas.ala ye hai kis havāle se

koī ḳhvāhish sipurd-e-yār kareñ

kaash tum roz hī mukar jaao

kaash ham roz intizār kareñ

chāñd chhat par zarūr aa.egā

merī āñkhoñ kā e'tibār kareñ

ek mushkil sī aa paḌī hai 'qais'

terī āñkhoñ pe kyā nisār kareñ

aarzu-e-visal-e-yar karen

kis ke aane ka intizar karen

dard ke kis maqam se guzren

apna dariya kahan se par karen

kis se kis moD par bichhaD jaen

kaun sa hijr iKHtiyar karen

ye jo ek zaKHm-e-jaan pas-e-jaan hai

kis ke sine ke aar-par karen

fursat-e-shauq umr-e-awara

aa tujhe aaj sharmsar karen

dil ki unchi machan par baiThen

aur koi aarzu shikar karen

masala ye hai kis hawale se

koi KHwahish sipurd-e-yar karen

kash tum roz hi mukar jao

kash hum roz intizar karen

chand chhat par zarur aaega

meri aankhon ka e'tibar karen

ek mushkil si aa paDi hai 'qais'

teri aankhon pe kya nisar karen