aarzu jab jawan nahin hoti

aarzū jab javāñ nahīñ hotī

zindagī naġhma-ḳhvāñ nahīñ hotī

kis tarah hāl-e-dil bayāñ karte

āshiqoñ kī zabāñ nahīñ hotī

aap jab mehrbāñ nahīñ hote

maut bhī mehrbāñ nahīñ hotī

dil kī baazī lagāne vāloñ ko

fikr-e-sūd-o-ziyāñ nahīñ hotī

ranj sah kar bhī rāt-din 'ābid'

ham se āh-o-fuġhāñ nahīñ hotī

aarzu jab jawan nahin hoti

zindagi naghma-KHwan nahin hoti

kis tarah haal-e-dil bayan karte

aashiqon ki zaban nahin hoti

aap jab mehrban nahin hote

maut bhi mehrban nahin hoti

dil ki bazi lagane walon ko

fikr-e-sud-o-ziyan nahin hoti

ranj sah kar bhi raat-din 'abid'

hum se aah-o-fughan nahin hoti