aarzu jurm hai muddaa jurm hai

aarzū jurm hai mudda'ā jurm hai

us fazā meñ umīd-e-vafā jurm hai

har taraf haiñ mohabbat kī majbūriyāñ

ibtidā jurm hai intihā jurm hai

zauq-e-dīdār par laakh pābandiyāñ

dekh kar phir unheñ dekhnā jurm hai

zindagī-bhar kī nīñdeñ uchaT jā.eñgī

sāya-e-zulf meñ baiThnā jurm hai

har sazā ko kisī kī 'atā māniye

ye bhī kyuuñ pūchhiye kaun sā jurm hai

aañkh uThā kar unheñ dekhiye kis tarah

sar uThāne kā bhī hausla jurm hai

un ke jalvoñ kā jab sāmnā ho gayā

phir kisī aur kā sāmnā jurm hai

ḳhāmushī bhī salīqa hai fariyād kā

un ke jaur-o-sitam par gilā jurm hai

aise māhaul meñ aa ga.e ham jahāñ

apne māhaul kā jā.eza jurm hai

maslak-e-ishq hai pairvī-e-vafā

hikmat-o-maslihat sochnā jurm hai

āgahī shart hai gumrahī ke liye

gumrahī par patā pūchhnā jurm hai

dāvā-e-ishq hai jurm-e-avval agar

inhirāf-e-vafā dūsrā jurm hai

un kī shān-e-karam kah rahī hai 'rishī'

un se ab koī bhī iltijā jurm hai

aarzu jurm hai mudda'a jurm hai

us faza mein umid-e-wafa jurm hai

har taraf hain mohabbat ki majburiyan

ibtida jurm hai intiha jurm hai

zauq-e-didar par lakh pabandiyan

dekh kar phir unhen dekhna jurm hai

zindagi-bhar ki ninden uchaT jaengi

saya-e-zulf mein baiThna jurm hai

har saza ko kisi ki 'ata maniye

ye bhi kyun puchhiye kaun sa jurm hai

aankh uTha kar unhen dekhiye kis tarah

sar uThane ka bhi hausla jurm hai

un ke jalwon ka jab samna ho gaya

phir kisi aur ka samna jurm hai

KHamushi bhi saliqa hai fariyaad ka

un ke jaur-o-sitam par gila jurm hai

aise mahaul mein aa gae hum jahan

apne mahaul ka jaeza jurm hai

maslak-e-ishq hai pairwi-e-wafa

hikmat-o-maslihat sochna jurm hai

aagahi shart hai gumrahi ke liye

gumrahi par pata puchhna jurm hai

dawa-e-ishq hai jurm-e-awwal agar

inhiraf-e-wafa dusra jurm hai

un ki shan-e-karam kah rahi hai 'rishi'

un se ab koi bhi iltija jurm hai