aarzu ki hama-hami aur main
aarzū kī hamā-hamī aur maiñ
dard-e-dil dard-e-zindagī aur maiñ
mauja-e-qulzum-e-abad aur tū
chand būñdoñ kī tishnagī aur maiñ
rāt-bhar terī raah takte rahe
tere kūche kī raushnī aur maiñ
chhup ke milte haiñ terī yādoñ se
shab kī tanhā.ī chāñdnī aur maiñ
ek hī raah ke musāfir haiñ
be-karāñ raat ḳhāmushī aur maiñ
raat us paikar-e-ḳhayāl ke paas
chand phūloñ kī boss thī aur maiñ
ye bhī ik manzil-e-junūñ thī 'jalīl'
varna zindān-e-āgahī aur maiñ
aarzu ki hama-hami aur main
dard-e-dil dard-e-zindagi aur main
mauja-e-qulzum-e-abad aur tu
chand bundon ki tishnagi aur main
raat-bhar teri rah takte rahe
tere kuche ki raushni aur main
chhup ke milte hain teri yaadon se
shab ki tanhai chandni aur main
ek hi rah ke musafir hain
be-karan raat KHamushi aur main
raat us paikar-e-KHayal ke pas
chand phulon ki boss thi aur main
ye bhi ek manzil-e-junun thi 'jalil'
warna zindan-e-agahi aur main
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
