aarzu pe jafa kare koi

aarzū pe jafā kare koī

phir ḳhafā ho ḳhudā kare koī

ye bhī insāf hai koī ai charḳh

ro.eñ ham aur hañsā kare koī

baat puurī kabhī sunī hī nahīñ

mudda.ā arz kyā kare koī

ḳhaak meñ mil gayā maiñ āḳhir-kār

aur jaur-o-jafā kare koī

jab tumhīñ yuuñ javāb de do saaf

kis se phir iltijā kare koī

chham se aa jaa.e mere pahlū meñ

shab-e-furqat ḳhudā kare koī

kah rahī haiñ kisī kī shoḳh āñkheñ

kyoñ kisī se hayā kare koī

ye to kahte ho dil ko samjhāo

dil na samjhe to kyā kare koī

sab hasīñ bevafā haiñ ai 'shabnam'

kyā kisī se vafā kare koī

aarzu pe jafa kare koi

phir KHafa ho KHuda kare koi

ye bhi insaf hai koi ai charKH

roen hum aur hansa kare koi

baat puri kabhi suni hi nahin

muddaa arz kya kare koi

KHak mein mil gaya main aaKHir-kar

aur jaur-o-jafa kare koi

jab tumhin yun jawab de do saf

kis se phir iltija kare koi

chham se aa jae mere pahlu mein

shab-e-furqat KHuda kare koi

kah rahi hain kisi ki shoKH aankhen

kyon kisi se haya kare koi

ye to kahte ho dil ko samjhao

dil na samjhe to kya kare koi

sab hasin bewafa hain ai 'shabnam'

kya kisi se wafa kare koi