aarzu tujhse tera bosa bhi kab mange hai

aarzū tujh se tirā bosa bhī kab māñge hai

harf-e-iqrār bas ik jumbish-e-lab māñge hai

us kī chāhat meñ ajab dil kī talab kā aalam

dard jitnā bhī zamāne meñ hai sab māñge hai

ho salīqa jo zarā saarī tamannā bar aa.e

husn phir husn hai aur husn-e-talab māñge hai

be-talab jaan talak sauñp dī jis ko vo ab

ḳhud se chāhat kā mirī kyā hai sabab māñge hai

kab talak ḳhuun rulāte hue manzar dekhe

niiñd ko aañkh zarā der ko ab māñge hai

harf-e-iz.hār taḌaptā hai taḌapne diije

ye mohabbat hai miyāñ pās-e-adab māñge hai

to mirī jaañ hai na rah duur ki ab zehn mirā

kyuuñ hai zinda ye badan mujh se sabab māñge hai

aarzu tujh se tera bosa bhi kab mange hai

harf-e-iqrar bas ek jumbish-e-lab mange hai

us ki chahat mein ajab dil ki talab ka aalam

dard jitna bhi zamane mein hai sab mange hai

ho saliqa jo zara sari tamanna bar aae

husn phir husn hai aur husn-e-talab mange hai

be-talab jaan talak saunp di jis ko wo ab

KHud se chahat ka meri kya hai sabab mange hai

kab talak KHun rulate hue manzar dekhe

nind ko aankh zara der ko ab mange hai

harf-e-izhaar taDapta hai taDapne dije

ye mohabbat hai miyan pas-e-adab mange hai

to meri jaan hai na rah dur ki ab zehn mera

kyun hai zinda ye badan mujh se sabab mange hai