آرزو تم ہو مدعا تم ہو
آرزو تم ہو مدعا تم ہو
کیا زباں سے کہوں کہ کیا تم ہو
کیا ضرورت ہے آئنے کی مجھے
میری ہستی کا آئنہ تم ہو
دل ابھی تک نہیں سمجھ پایا
اجنبی ہو کہ آشنا تم ہو
صحن گلشن میں جا کے راز کھلا
چہرۂ گل میں رونما تم ہو
چاند تاروں شفق میں پھولوں میں
رنگ ہو نور ہو صبا تم ہو
مجھ کو طوفان غم کا خوف نہیں
میری کشتی کے ناخدا تم ہو
تم سے قائم ہے زندگی نغمیؔ
دل کی دھڑکن کی ہر صدا تم ہو
مأخذ :
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
