aarzuen na-rasai ru-ba-ru main aur tu

ārzūeñ nā-rasā.ī rū-ba-rū maiñ aur tū

kyā ajab qurbat thī vo bhī maiñ na tū maiñ aur tū

jhuTpuTā ḳhūnī ufuq kī vus.ateñ ḳhāmoshiyāñ

fāsle do peḌ tanhā hū-ba-hū maiñ aur tū

ḳhushk āñkhoñ ke jazīroñ meñ bagūloñ kā ġhubār

dhaḌkanoñ kā shor surma-dar-gulū maiñ aur tū

bārish-e-sañg-e-malāmat aur ḳhilqat shahr kī

pyaar ke māsūm jazboñ kā lahū maiñ aur tū

ajnabī nazroñ ke shole har taraf phaile hue

dushman-e-jāñ raah o manzil kāḳh-o-kū maiñ aur tū

nafratoñ kī gard rasta kāTtī har moḌ par

ishq kī ḳhushbū meñ uḌte kū-ba-kū maiñ aur tū

ehtirām-e-ādmī ehsās-e-ġham marg-e-anā

aaj kis kis zaḳhm ko karte rafū maiñ aur tū

aarzuen na-rasai ru-ba-ru main aur tu

kya ajab qurbat thi wo bhi main na tu main aur tu

jhuTpuTa KHuni ufuq ki wusaten KHamoshiyan

fasle do peD tanha hu-ba-hu main aur tu

KHushk aankhon ke jaziron mein bagulon ka ghubar

dhaDkanon ka shor surma-dar-gulu main aur tu

barish-e-sang-e-malamat aur KHilqat shahr ki

pyar ke masum jazbon ka lahu main aur tu

ajnabi nazron ke shole har taraf phaile hue

dushman-e-jaan rah o manzil kaKH-o-ku main aur tu

nafraton ki gard rasta kaTti har moD par

ishq ki KHushbu mein uDte ku-ba-ku main aur tu

ehtiram-e-admi ehsas-e-gham marg-e-ana

aaj kis kis zaKHm ko karte rafu main aur tu