aasan hai kisi nahr ka patthar se nikalna

āsāñ hai kisī nahr kā patthar se nikalnā

āsāñ nahīñ un kā dil-e-muztar se nikalnā

dariyā mirī fitrat hai samundar hai mirī zaat

dekhe koī dariyā kā samundar se nikalnā

har chand ki hai shīsha-o-sāġhar meñ bahut kuchh

achchhā hai magar shīsha-o-sāġhar se nikalnā

zulmat hai tirā niiñd kī āġhosh meñ jaanā

ik nūr-e-sahar hai tirā bistar se nikalnā

aaseb se aaseb haiñ duniyā kī nazar meñ

hamrāh mujhe le ke hī tum ghar se nikalnā

ātish se to ātish ko bujhāyā nahīñ jaatā

mumkin hī nahīñ amn kā ḳhanjar se nikalnā

auroñ kī tamanna mirī fitrat nahīñ 'shādāñ'

ruknā hai na ghabrā ke barābar se nikalnā

aasan hai kisi nahr ka patthar se nikalna

aasan nahin un ka dil-e-muztar se nikalna

dariya meri fitrat hai samundar hai meri zat

dekhe koi dariya ka samundar se nikalna

har chand ki hai shisha-o-saghar mein bahut kuchh

achchha hai magar shisha-o-saghar se nikalna

zulmat hai tera nind ki aaghosh mein jaana

ek nur-e-sahar hai tera bistar se nikalna

aaseb se aaseb hain duniya ki nazar mein

hamrah mujhe le ke hi tum ghar se nikalna

aatish se to aatish ko bujhaya nahin jata

mumkin hi nahin amn ka KHanjar se nikalna

auron ki tamanna meri fitrat nahin 'shadan'

rukna hai na ghabra ke barabar se nikalna