aashiq hue hain jab se hum KHud se ja rahe hain

āshiq hue haiñ jab se ham ḳhud se jā rahe haiñ

be-dard nāsehoñ ne nāhaq satā rahe haiñ

fasl-e-bahār meñ ham kyūñ-kar na hoñ divāne

gul chaak kar garebāñ dhūmeñ machā rahe haiñ

phir aavne kā va.ada tum kar ga.e ho ham se

pyāre tumhārī rah par āñkheñ lagā rahe haiñ

ai abr tū barastā aur hī taraf chalā jā

umDe haiñ ġham ke bādal so ham thamā rahe haiñ

dil khol Tuk jo barseñ arz o samā Dubāveñ

mizhgān-e-tar ke zālim vo abr chhā rahe haiñ

ye ishq niiñ hai bar-aks jā dekh le chaman meñ

aa ḳhush-nayan adam se āñkheñ dikhā rahe haiñ

aashiq hue hain jab se hum KHud se ja rahe hain

be-dard nasehon ne nahaq sata rahe hain

fasl-e-bahaar mein hum kyun-kar na hon diwane

gul chaak kar gareban dhumen macha rahe hain

phir aawne ka wada tum kar gae ho hum se

pyare tumhaari rah par aankhen laga rahe hain

ai abr tu barasta aur hi taraf chala ja

umDe hain gham ke baadal so hum thama rahe hain

dil khol Tuk jo barsen arz o sama Dubawen

mizhgan-e-tar ke zalim wo abr chha rahe hain

ye ishq nin hai bar-aks ja dekh le chaman mein

aa KHush-nayan adam se aankhen dikha rahe hain