aashiq to milenge tujhe insan na milega

āshiq to mileñge tujhe insāñ na milegā

mujh sā to koī banda-e-farmāñ na milegā

huuñ muntazir-e-lutf khaḌā kab se idhar dekh

kyā mujh ko dil ai turra-e-jānāñ na milegā

kahne ko musalmāñ haiñ sabhī kaabe meñ lekin

DhūñDoge agar ek musalmāñ na milegā

nāseh ise siinā hai to ab sī le vagarna

phir fasl-e-gul aa.e ye garebāñ na milegā

rahne ke liye ham se gunahgāroñ ke yā rab

kyā shahr-e-adam meñ koī zindāñ na milegā

hone kī nahīñ terī ḳhushī sarv-ḳhirāmāñ

tā ḳhaak meñ ye be-sar-o-sāmāñ na milegā

dil us se tū māñge hai abas 'mus.hafī' har dam

kyā fā.eda isrār kā nādāñ na milegā

aashiq to milenge tujhe insan na milega

mujh sa to koi banda-e-farman na milega

hun muntazir-e-lutf khaDa kab se idhar dekh

kya mujh ko dil ai turra-e-jaanan na milega

kahne ko musalman hain sabhi kabe mein lekin

DhunDoge agar ek musalman na milega

naseh ise sina hai to ab si le wagarna

phir fasl-e-gul aae ye gareban na milega

rahne ke liye hum se gunahgaron ke ya rab

kya shahr-e-adam mein koi zindan na milega

hone ki nahin teri KHushi sarw-KHiraman

ta KHak mein ye be-sar-o-saman na milega

dil us se tu mange hai abas 'mushafi' har dam

kya faeda israr ka nadan na milega