aashiqi ek azab hai yaro

'āshiqī ik 'azāb hai yaaro

dil kā ḳhāna-ḳharāb hai yaaro

chain aa.egā kyoñ bhalā dil ko

māh-ruḳh be-hijāb hai yaaro

chhīn letī hai aadmī kā vaqār

muflisī bhī 'azāb hai yaaro

dekh kar surḳhī-e-lab-e-jānāñ

aa.ina lā-javāb hai yaaro

kyoñ na marne se jī lagā.eñ ham

zindagī ġham kā baab hai yaaro

har baras zindagī kā biitā huā

dard-e-dil kā hisāb hai yaaro

'ishq kahte haiñ us musībat ko

dard jis kā nisāb hai yaaro

hijr kā kyoñ 'azāb hai dil par

husn gar ik sarāb hai yaaro

bāġh-e-hastī meñ fikr-e-karb-o-balā

āgahī kā shabāb hai yaaro

is liye bhī 'ajīb hai 'jā'far'

us kī duniyā kitāb hai yaaro

'ashiqi ek 'azab hai yaro

dil ka KHana-KHarab hai yaro

chain aaega kyon bhala dil ko

mah-ruKH be-hijab hai yaro

chhin leti hai aadmi ka waqar

muflisi bhi 'azab hai yaro

dekh kar surKHi-e-lab-e-jaanan

aaina la-jawab hai yaro

kyon na marne se ji lagaen hum

zindagi gham ka bab hai yaro

har baras zindagi ka bita hua

dard-e-dil ka hisab hai yaro

'ishq kahte hain us musibat ko

dard jis ka nisab hai yaro

hijr ka kyon 'azab hai dil par

husn gar ek sarab hai yaro

bagh-e-hasti mein fikr-e-karb-o-bala

aagahi ka shabab hai yaro

is liye bhi 'ajib hai 'ja'far'

us ki duniya kitab hai yaro