aashiqi ka ye dard-e-sar jae

'āshiqī kā ye dard-e-sar jaa.e

maiñ bhī mar jā.ūñ tū bhī mar jaa.e

aa.iye ḳhud ko DhūñD lete haiñ

is se pahle ki din guzar jaa.e

tai kiyā hai ki ham na bikhreñge

aa.ina Tuut kar bikhar jaa.e

ye batāo kahīñ sukūn bhī hai

aadmī jaa.e to kidhar jaa.e

is liye sab se hoshiyār raho

kyā ḳhabar kaun daao kar jaa.e

shor karnā hī kyā zarūrī hai

vaqt ārām se guzar jaa.e

aadmī huuñ koī machine nahīñ

merā ehsās kaise mar jaa.e

'ashiqi ka ye dard-e-sar jae

main bhi mar jaun tu bhi mar jae

aaiye KHud ko DhunD lete hain

is se pahle ki din guzar jae

tai kiya hai ki hum na bikhrenge

aaina Tut kar bikhar jae

ye batao kahin sukun bhi hai

aadmi jae to kidhar jae

is liye sab se hoshiyar raho

kya KHabar kaun dao kar jae

shor karna hi kya zaruri hai

waqt aaram se guzar jae

aadmi hun koi machine nahin

mera ehsas kaise mar jae