آشنا ہوں میں بھی رنج و غم کی ہر تاثیر سے

آشنا ہوں میں بھی رنج و غم کی ہر تاثیر سے

اس لیے میرا بھی رشتہ ہے جناب میرؔ سے

سارے عالم میں ملی ہے سرخ روئی دین کو

جنگ ہم نے جیتی ہے اخلاق کی شمشیر سے

مفلس و زردار میں زیبا نہیں ہے امتیاز

ہر کسی سے پیش آنا ہے سدا توقیر سے

مسکراہٹ ہی بتا دیتی ہے دل کی کیفیت

ہر ادا ہوتی ہے روشن باطنی تنویر سے

کرتی ہیں مسرور انساں کو یہ تصویریں مگر

دل سکوں پاتا نہیں ہے مستقل تصویر سے

کامیابی چوم لیتی ہے قدم ہر گام پر

کام جو کرتے ہیں رہبرؔ حکمت و تدبیر سے