aashna kab ho hai ye zikr dil-e-shad ke sath

āshnā kab ho hai ye zikr dil-e-shād ke saath

lab ko nisbat hai mire zamzama-e-dād ke saath

bas ki hai chashm-e-muravvat se bharā girya-zār

paḌā phirtā hai mire nāla-o-fariyād ke saath

yaad us lutf-e-huzūrī kā kareñ kyā hāsil

aa paḌā kaam faqat ab to tirī yaad ke saath

zulm hai haq meñ hamāre tirā ab tark-e-sitam

dil ko hai uns sā ik us tirī bedād ke saath

zulf o kākul se qavī husn kā baazū hai mudām

qafas o daam rahe jaise ki sayyād ke saath

ḳhūn-e-nāhaq rahā parvez kī gardan pe vale

lutf-e-shīrīñ ne sitam ye kiyā farhād ke saath

rāstī se bhalā itnā bhī guzarnā kyā hai

nisbat is qad ko na do sarv ke shamshād ke saath

dast o pā kar ke maiñ gum niklā dabe-pāñv kyā

milā vo tifl mujhe raat jo ustād ke saath

'hasrat' itnā jo tū maa.il hai giraftārī kā

kuchh adāvat hai tujhe ḳhātir-e-āzād ke saath

aashna kab ho hai ye zikr dil-e-shad ke sath

lab ko nisbat hai mere zamzama-e-dad ke sath

bas ki hai chashm-e-murawwat se bhara girya-zar

paDa phirta hai mere nala-o-fariyaad ke sath

yaad us lutf-e-huzuri ka karen kya hasil

aa paDa kaam faqat ab to teri yaad ke sath

zulm hai haq mein hamare tera ab tark-e-sitam

dil ko hai uns sa ek us teri bedad ke sath

zulf o kakul se qawi husn ka bazu hai mudam

qafas o dam rahe jaise ki sayyaad ke sath

KHun-e-nahaq raha parwez ki gardan pe wale

lutf-e-shirin ne sitam ye kiya farhad ke sath

rasti se bhala itna bhi guzarna kya hai

nisbat is qad ko na do sarw ke shamshad ke sath

dast o pa kar ke main gum nikla dabe-panw kya

mila wo tifl mujhe raat jo ustad ke sath

'hasrat' itna jo tu mail hai giraftari ka

kuchh adawat hai tujhe KHatir-e-azad ke sath